Астанада отбасылық жанжал екі адамның өлімімен аяқталды. Ер адам әйеліне, содан кейін өзіне пышақ жарақаттарын салған, деп хабарлады Sayasatlive.kz.
Оқиға 15 қыркүйекте болған. Алдын ала мәлімет бойынша, ерлі-зайыптылар арасында жанжал туындаған.
«15 қыркүйекте, ерлі-зайыптылар арасындағы жанжал кезінде 55 жастағы ер адам 53 жастағы әйеліне пышақ жарақаттарын салып, кейін өзіне пышақ жарақатын салғаны анықталды. Алған жарақаттардан екеуі де оқиға орнында көз жұмды», — деп хабарлады Астана қалалық ПД.
Полиция кісі өлтіру және суицид фактілері бойынша қылмыстық іс қозғады. Қазіргі уақытта болған оқиғаның себептері мен барлық мән-жайын анықтауға бағытталған тергеу жүргізілуде. Қазақстан Республикасы Қылмыстық-процестік кодексінің 201-бабына сәйкес басқа мәліметтер жария етуге жатпайды.
