Ұлттық банк төрағасы Тимур Сүлейменов Қазақстанның негізгі шикізат тауарлары – мұнай мен металдарды сатудан түскен қосымша табыс теңгенің негізгі шетел валюталарына қатысты бағамына қысым жасайды деп есептейді, деп хабарлайды Sayasatlive.kz.
«Қазір, айтқандай, шағымдануға күнә емес, өйткені бізде баға конъюнктурасы күшті. Баррель шамамен 100 доллар. Ирандағы, Парсы шығанағындағы тартыс аяқталады деп ойлаған едік – ол әлі аяқталған жоқ және тиісінше, мұнай бағасына әсер етеді», – деді ол журналистерге AFD кулуарында.
Оның айтуынша, валюта түсімінің артуы ұлттық валюта бағамына қысым жасап, нәтижесінде оны нығайтады.
«Мұнай бағасы үлкен валюта түсімін әкеледі, бұл валюта түсімі рынокқа түседі және тиісінше, доллар арзандайды», – деді ол.
Бұл ретте, Тимур Сүлейменовтың хабарлауынша, бағалар тек мұнайға ғана емес, сонымен қатар металдарға да өскен.
«Металдар да үлкен плюс пен қосымша валюта түсімін береді. Сонымен қатар, жақында өткен баспасөз брифингінде айтқан бейрезиденттер бар. Олар мемлекеттік бағалы қағаздар рыногының 7-7,5%-ына кіріп, теңге бағамына қолдау көрсетеді», – деді ол.
Егер бұл жағдайда ештеңе өзгермесе, Ұлттық банк ұлттық валюта бағамы бойынша «тосынсыйлар» күтпейді деп қорытындылады Тимур Сүлейменов. Freedom Holding Corp. мажоритарлық акционері Тимур Турловтың пікірінше, егер республиканың экспорттық тауарларының бағасының өсуі аясында қазақстандық облигациялар бойынша ағымдағы жоғары нақты табыстылық сақталса, доллардың ұлттық валютаға қатысты бағамы 400 теңгеден төмен түсуі мүмкін. Мақала жазылып жатқан сәтте Brent маркалы мұнайды жеткізуге арналған қараша фьючерстері ICE биржасында барреліне 100,72 доллар (+2,859%) бағамен саудалануда.
