«Қазгидромет» РМК 5 қыркүйекте Қазақстанның 11 қаласында қолайсыз метеорологиялық жағдайлар (ҚМЖ) күтілетінін мәлімдеді, деп хабарлайды Sayasatlive.kz.
ҚМЖ Астана, Ақтөбе, Алматы, Қарағанды, Жезқазған, Балқаш, Теміртау, Атырау, Қостанай, Өскемен және Семей қалаларында болжанады. Қолайсыз метеожағдайлар атмосфералық ауаның жер беті қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, әлсіз жел, тұман, инверсия) үйлесімі.
ҚМЖ туындаған кезде елді мекендердегі атмосфералық ауа сапасы нашарлауы мүмкін, бұл адамдардың денсаулығына әсер етеді. Ластану деңгейінің қалыптасуын анықтайтын маңызды факторлардың бірі – синоптикалық жағдайдың (жел, шөгінділер, ылғалдылық, ауа температурасы) болжамы.
