Алматы әуежайында Майлин көшесі жағынан негізгі кіреберіс аркасын қайта жөндеу аяқталғаннан кейін, енді ол екі бағытта да, кіруге және шығуға ашық екені хабарланды, деп хабарлайды Sayasatlive.kz.
Майлин көшесі жағынан вокзал алды алаңына кіру және одан шығу үшін 11 жолақ қолжетімді: 4-еуі — кіруге және 7-еуі — шығуға арналған. Бұл ретте, «Ақсұңқар» қонақүйінің жанында орналасқан екі кіреберіс енді тек екінші қабатқа, T1 және T2 терминалдарының ұшып кету аймақтарына өту үшін пайдаланылады.
Жабық тұрақ кешенін пайдаланушылар үшін Закарпатская көшесіне тура шығу да қарастырылған.
«Әуежай жолаушылар мен келушілерге бағдарды жоспарлау кезінде өзгерістерді ескеруді және әуежай аумағындағы жол көрсеткіштерін басшылыққа алуды ұсынады. Жаңартылған қозғалыс сұлбасы көлік ағындарын ыңғайлырақ бөлуге және әуежай терминалдары мен тұрақ инфрақұрылымына қолжетімділікті жақсартуға мүмкіндік береді», — делінген әуе айлағының хабарламасында.
