Осы аптада елдің шекаралас аймақтарын басқан су тасқынынан кейін Непалға қалпына келтіру үшін 4-5 млрд доллар қажет болады, деп хабарлайды Sayasatlive.kz.
Бұл туралы Непалдың Қаржы министрі Сварним Вагле Reuters агенттігіне берген сұхбатында хабарлады. Оның айтуынша, бұл сома әзірге алдын ала есептелген — үкімет шығын мен қирау ауқымын бағалауды жалғастыруда. Ел техникалық көмек сұрады. Непал Сыртқы істер министрі Шишир Кханал елге жергілікті мамандардың тәжірибесі жеткіліксіз мамандандырылған және техникалық салаларда шетелдік көмек қажет екенін хабарлады.
Бұл, атап айтқанда, адамдарды туннельдерден құтқару, көпірлер қираған аймақтарда көлік және байланыс қатынастарын қалпына келтіру, қаза тапқандарды анықтау, ДНҚ тесттерін өткізу және денелерді ұзақ уақыт сақтауға қатысты.
«Біз тәжірибе мен техникалық білім жетіспейтін салаларда осындай мамандандырылған қызмет көрсетулер мен техникалық көмек сұрадық», — деді Кханал.
Бұл ретте Непал әзірге қарапайым іздестіру-құтқару жұмыстарына шетелдік командаларды тартуды қажет деп санамайды. Министрдің айтуынша, бұл міндетті жергілікті құтқарушылар орындап жатыр. Үндістан мен Қытай көлік және байланыс қатынастарын қалпына келтіру үшін елге уақытша Bailey Bridge көпірлерін беруі тиіс. Зардап шеккен аймақта жиырмаға жуық көпір қираған. Табиғат апаты сәрсенбі күні Гималайдағы мұзқойманың опырылуынан басталды.
Тастардың, мұздың, балшықтың және қоқыстардың үлкен ағыны тау өзені жүйелері арқылы өтті. 26 тамызда Непал мен Қытай шекарасына жақын Расува таулы аймағында су, балшық және тас ағындары үйлерді, жолдарды, көпірлерді, автомобильдерді және гидроэнергетика объектілерін, мектептер мен ауруханаларды шайып кетті. Су тасқыны салдарынан Непал мен Қытайдың Тибетінде 600-ден астам адам қаза тауып, тағы 2 мыңнан астам адам хабар-ошарсыз кеткендер тізімінде. Билік сондай-ақ жаңа денелердің табылуы мүмкін екенін ескертеді. Кханалдың айтуынша, ауруханалар қаза тапқандарға толы, ал оларды сақтауға арналған тоңазытқыш жабдықтары жетіспейді. Алдағы уақытта Непалға қираған инфрақұрылымды қалпына келтіру және зардап шеккен аудандарды оңалту үшін халықаралық қолдау қажет болады. Қарсаңында Қазақстан Сыртқы істер министрлігі Непал мен Қытай шекарасындағы апат аймағында еліміздің үш азаматшасын іздестіріп жатқанын хабарлады.
