Дональд Трамп Ормуз бұғазын жақын арада АҚШ аумағы деп жариялайтынын мәлімдеді, деп хабарлайды Sayasatlive.kz Gazeta.ru-ға сілтеме жасап.
«Иранды түпкілікті жеңген кезде, ал ол қазір айтарлықтай жеңіліске ұшырап жатыр, мен Ормуз бұғазын АҚШ аумағы деп жариялаймын», — деді ол.
Бұған дейін Трамп америкалық әскерилердің Ормуз бұғазын толық бақылауы туралы хабарлаған болатын. Ол Иранда флот пен әскери-әуе күштері жоқ екенін, ал қалған әскери қызметшілер ақшалай төлем алмайтынын атап өтті. АҚШ лидері Тегеранда тек жалған жаңалықтар мен 300 пайыздық инфляция бар екенін және жағдайдың «нашарлап бара жатқанын» қосты. Алайда, Ислам революциясы сақшылар корпусы (ИРСК) қолбасшылығының өкілі Иранның рұқсатынсыз бірде-бір кеме Ормуз бұғазы арқылы өте алмайтынын мәлімдеді. Ол АҚШ-тың кемелердің кедергісіз өтуі туралы барлық мәлімдемелерін жалған деп атады.
