Мәскеу облысының Электросталь қаласындағы Wildberries маркетплейсінің логистикалық нысанындағы өрт толығымен сөндірілді. Бұл туралы Wildberries & Russ компаниясының баспасөз қызметі өзінің Telegram-арнасында хабарлады, деп Sayasatlive.kz Gazeta.ru-ға сілтеме жасап хабарлайды.
Баспасөз хабарламасында WB командасы болған оқиғаның салдарын кешенді бағалауға және зардап шеккен нысанның инфрақұрылымының жағдайын талдауға кірісетіні айтылған. Компания өртенген логистикалық кешеннің қызметкерлері мен олардың туыстарына арналған жедел желі тәулік бойы жұмыс істеп тұрғанын хабарлады және өртті сөндіруге қатысқан барлық қызметтерге алғыс білдірді.
Мәскеу облысындағы WB нысанындағы өрт 18 шілдеге қараған түні Украина Қарулы Күштерінің ұшқышсыз ұшақтарының шабуылы салдарынан болды. Ресей Төтенше жағдайлар министрлігінің мәліметінше, өрттің ауданы 25 мың шаршы метрді құрады. Электростальда зардап шеккендер бар, бір адам қаза тапты. Өртті сөндіруге ондаған техника мен 100-ден астам құтқарушы жұмылдырылды.
