Алматы қаласында көпфункционалды жаңа демалыс аймағы — Almaty Water Garden кешенін салу жоспарланып отыр, деп хабарлайды Sayasatlive.kz порталы.
Жоба Алатау ауданында, Бауыржан Момышұлы мен Саин көшелерінің аралығында орналасады.
Кешеннің негізгі ерекшелігі — серуендеуге арналған жағалаулар, демалыс аймақтары және көгалдандырылған қоғамдық кеңістіктері бар ұзын су арнасы болмақ.
Сонымен қатар мұнда саябақ аймағы, фудкорттар, концерттер мен фестивальдер өткізуге арналған ашық амфитеатр және түрлі сауда-қызмет көрсету нысандары қарастырылған.
Отбасылық демалысқа арналған балалар орталығы, океанариум және көбелектер музейі де жобаның құрамына енеді.
Жобаны жүзеге асыру 2026–2027 жылдарға жоспарланып отыр.
