Еліміздегі үш қалада пилотсыз такси іске қосылады, деп хабарлайды Sayasatlive.kz порталы.
Бұл жөнінде Премьер-министрдің орынбасары – Жасанды интеллект министрі Жаслан Мәдиев мәлімдеді.
Оның сөзінше, жоба Yandex және inDrive компанияларымен бірлесіп атқарылады.
-Қазір қажетті реттеуші базаны әзірлеу бойынша жұмыс жүргізіліп жатыр. Ол алдағы уақытта технологияны елдің өзге қалаларына енгізуге мүмкіндік береді, — деді Жаслан Мәдиев.
Пилоттық жоба үш қалада – Астанада, Алматыда және Қосшыда іске қосылады.
Жүргізушісіз такси жүйесін тестілеу 2026 жылдың соңына дейін жалғасады.
