Қазақстан Мәжілісі сайлау заңнамасына енгізілетін жаңа түзетулерді екінші оқылымда қабылдады. Өзгерістер сайлау науқандарының ашықтығын күшейтіп, қаржыландыруға бақылауды қатаңдатуға бағытталған, деп хабарлайды Sayasatlive.kz порталы.
Жаңа нормаларға сәйкес, кандидаттар сайлау қорынан тыс қаржы тартса немесе ресми қор арқылы төленбеген материалдық көмек алса, жауапкершілікке тартылады. Мәжіліс мәліметінше, бұл шаралар сайлау процесіндегі заң талаптарының сақталуын күшейту үшін енгізіліп отыр.
Сонымен қатар түзетулер конституциялық реформаларды жүзеге асыру аясында әзірленген. Құжаттар заңнаманы жаңартылған конституциялық нормаларға және бір палаталы парламент — құрылтай моделіне бейімдеуді көздейді.
