13 мамырда елімізде ауа райы құбылмалы болады
13 мамырда Қазақстанның басым бөлігінде ауа райының қолайсыздығына байланысты дауылды ескерту жарияланды, деп хабарлайды sayasatlive.kz «Қазгидрометке» сілтеме жасап.
Елордада бейсенбі күні жаңбыр жауып, найзағай ойнайды деп күтілуде. Желдің бағыты өзгеріп, екпіні секундына 18 метрге дейін жетеді. Ал Шымкентте де екпінді жел тұрып, шаң көтерілуі мүмкін.
Еліміздің батысы мен оңтүстігінде, атап айтқанда Атырау, Маңғыстау және Қызылорда облыстарында шаңды дауыл соғады. Кей жерлерде желдің жылдамдығы секундына 23 метрге дейін күшейіп, тұрғындарға қолайсыздық тудыруы ықтимал.
Солтүстік пен шығыс өңірлерде болса, көктемнің соңғы айына тән емес салқын ауа райы орнайды. Солтүстік Қазақстан облысында жаңбыр соңы бұршаққа ұласуы мүмкін.
Павлодар мен Шығыс Қазақстан облыстарында жауын-шашын аралас қар жауып, түнде ауа температурасы 6 градусқа дейін төмендейді. Синоптиктер бұл аймақтарда үсік жүретінін ескертеді. Сондай-ақ Қостанай мен Ақмола облыстарында тұман түсіп, жол көрінісі нашарлауы мүмкін.
Ауа райының салқындауына қарамастан, республиканың оңтүстік және орталық аймақтарында өрт қаупі әлі де жоғары. Әсіресе Қызылорда және Жетісу облыстарының кей жерлерінде төтенше өрт қаупі сақталып отыр.
