Көкшетауда Ақмола облыстық сотының ішкі қауіпсіздік бөлімі қызметкерінің өліміне қатысты тергеу жүріп жатыр, деп хабарлайды Sayasatlive.kz.
Полиция болжамды суицид дерегі бойынша қылмыстық іс қозғалғанын растады. Қазір тергеушілер оқиғаның мән-жайын анықтап жатыр.
Бұл — соңғы айларда Көкшетауда сот жүйесі қызметкерінің қайтыс болуына қатысты екінші жағдай. Қыркүйекте қалалық сот әкімшілігінің 27 жастағы басшысының қаза тапқаны белгілі болған.
Оның туыстары марқұмның жұмыста үнемі моральдық және психологиялық қысымға ұшырағанын мәлімдеген еді. Алайда Сот әкімшілігі бұл айыптауларды жоққа шығарған.