Қазақстанның үш аймағында орман өрттері тіркелді. Қазақстан Экология және табиғи ресурстар министрлігі елдің мемлекеттік орман қоры аумағында тіркелген үш орман өрті туралы мәлімдеді, деп хабарлайды Sayasatlive.kz.
Аймақтар бойынша: Қарағанды облысы – 1 өрт; «Семей орманы» МОРТ – 1 өрт; «Ертіс орманы» МОРТ – 1 өрт.
«Орман алқабында өрт анықталғаннан кейін мамандар қажетті жұмыстарға жедел кірісті. Өрт сөндіру жұмыстарына мемлекеттік орман күзетінің күштері мен құралдары жұмылдырылған, сондай-ақ өртті сөндіруге «Қазавиаорманқорғау» РМҚК қызметкерлері қатысуда. Олар аумақты әуеден бақылап, өртті сөндіру бойынша жердегі жұмыстарға қажетті көмек көрсетеді», — деп хабарлады ведомство.
Өрт болып жатқан аумақтағы жағдай қазіргі уақытта тұрақты бақылауда. Қазіргі уақытта өртті оқшаулау және толық сөндіру жұмыстары жалғасуда.