Астана мен Қазақстанның 16 облысында дауылды ескерту жарияланды. 16 қыркүйекте Қазақстанда жаңбыр, найзағай, қатты жел, тұман және шаңды дауыл болады деп болжануда, деп хабарлайды Sayasatlive.kz.
«Қазгидромет» хабарлауынша, Астана мен еліміздің 16 облысында дауылды ескерту жарияланды. Астанада өрт қауіпі жоғары деңгейде сақталады. Ақмола облысында күндіз солтүстікте солтүстік-батыс желінің екпіні 15–18 м/с жетеді. Аймақтың оңтүстігінде, солтүстігінде, шығысында және орталығында өрт қауіпі жоғары деңгейде сақталады.
Атырау облысында күндіз батыста, солтүстікте және оңтүстікте аздаған жаңбыр мен найзағай күтіледі. Аймақтың оңтүстігінде төтенше өрт қауіпі сақталады. Ұлытау облысында төтенше өрт қауіпі сақталады. Қарағанды облысында өрт қауіпі жоғары деңгейде сақталады, аймақтың батысында — төтенше. Ақтөбе облысында күндіз батыста, солтүстікте және орталықта оңтүстік және оңтүстік-шығыс желінің екпіні 15–18 м/с жетеді. Алматы облысының тау бөктерлері мен тауларында қысқа мерзімді жаңбыр мен найзағай болады деп болжануда. Күндіз шығыста және таулы аудандарда желінің екпіні 15–20 м/с жетеді. Облыста төтенше өрт қауіпі сақталады, оңтүстігінде — жоғары. Батыс Қазақстан облысының солтүстігінде, оңтүстігінде және шығысында жаңбыр мен найзағай күтіледі. Күндіз батыста, солтүстікте және шығыста оңтүстік-батыс желінің екпіні 15–20 м/с жетеді. Түркістан облысының батысында шаңды дауыл күтіледі.
Солтүстік-шығыс желінің екпіні батыста және таулы аудандарда 15–20 м/с дейін күшейеді. Облыста төтенше өрт қауіпі сақталады. Маңғыстау облысының солтүстігінде және орталығында өрт қауіпі жоғары деңгейде сақталады, солтүстік-шығысында — төтенше. Солтүстік Қазақстан облысының солтүстігінде, шығысында және оңтүстігінде жаңбыр мен найзағай болады деп болжануда. Түнде және таңертең батыста тұман күтіледі. Батыс және солтүстік-батыс желінің екпіні солтүстікте, шығыста және оңтүстікте 15–20 м/с жетеді. Оңтүстігінде және шығысында өрт қауіпі жоғары деңгейде сақталады. Павлодар облысында түнде жаңбыр мен найзағай солтүстікте, күндіз — солтүстікте, шығыста және орталықта күтіледі. Аймақтың шығысында және орталығында солтүстік-батыс желінің екпіні 15–20 м/с дейін күшейеді. Облыста өрт қауіпі жоғары деңгейде сақталады.
Қостанай облысында түнде және таңертең батыста және солтүстікте тұман болады деп болжануда. Оңтүстік-шығыста өрт қауіпі жоғары деңгейде сақталады. Жамбыл облысының таулы аудандарында солтүстік-шығыс желінің екпіні 15–20 м/с жетеді. Аймақта төтенше өрт қауіпі сақталады. Шығыс Қазақстан облысында күндіз солтүстік-батыста жаңбыр мен найзағай күтіледі. Солтүстікте және шығыста солтүстік-батыс желінің екпіні 15–20 м/с жетеді. Облыста өрт қауіпі жоғары деңгейде сақталады. Абай облысында күндіз батыста және солтүстікте жаңбыр мен найзағай болады деп болжануда. Солтүстік-батыс желінің екпіні 15–20 м/с дейін күшейеді. Аймақта өрт қауіпі жоғары деңгейде сақталады, оңтүстігінде — төтенше. Жетісу облысының Алакөл көлдері ауданында солтүстік-батыс желінің екпіні 15–20 м/с, кейде 23–28 м/с жетеді.
