Алматы облысындағы қатты тұрмыстық қалдықтар полигонындағы өрт толығымен сөндірілді, деп хабарлады Sayasatlive.kz.
Зардап шеккендер жоқ. Өрт Жамбыл ауданының Ұзынағаш ауылынан шыға берісте болған. Өрттің аумағы 500 шаршы метрді құрады. Бұған дейін Төтенше жағдайлар министрлігі өртті сөндіруді қалдықтарды сақтау тереңдігі қиындатқанын, ол жекелеген учаскелерде 3-5 метрге жеткенін хабарлаған болатын. Оқиға орнына су тасымалдауға тура келді. Оттың таралуын тоқтату үшін бульдозерлер жанбайтын қалдықтарды жалын шарпыған учаскелерден бөліп тастады. Құтқарушылар өрт ошақтарын сумен сөндіріп, тиегіштер мен самосвалдар қоқысты тасымалдап, оны инертті материалдармен жапты.
Өртті сөндіруге Алматы облысы Төтенше жағдайлар департаментінің, жергілікті атқарушы органдардың және Қазақстан Төтенше жағдайлар министрлігінің 28237 әскери бөлімінің 33 адамы мен 22 техникасы қатысты.
