Қасым-Жомарт Тоқаев Садыр Жапаровқа Қырғызстан Тәуелсіздігінің 35 жылдығына орай құттықтау жеделхатын жолдады. Мемлекет басшысы осы жылдар ішінде көршілес республика тұрақты даму жолынан лайықты өтіп, халықаралық аренада беделді ойыншыға айналғанын атап өтті, деп хабарлайды Sayasatlive.kz.
«Бұл айтулы күн қырғыз халқының бостандыққа, егемендікке және тәуелсіздікке деген талпынысын білдіреді», — делінген жеделхатта.
Қазақстан Президенті бұл мәртебенің басты дәлелі ретінде Қырғызстанның жақында 2027–2028 жылдарға БҰҰ Қауіпсіздік Кеңесінің тұрақты емес мүшесі болып сайланғанын атап өтті. Екіжақты байланыстар туралы айта келе, Қасым-Жомарт Тоқаев халықтарымыз арасындағы көпғасырлық тату көршілік дәстүрлерін атап көрсетті.
«Елдерімізді шынайы бауырластық қарым-қатынастар байланыстырады», — делінген құттықтау хатында.
Тоқаев екі халықтың игілігі үшін стратегиялық әріптестік пен одақтастықты одан әрі қарқынды нығайтуға сенім білдірді. Соңында мемлекет басшысы Садыр Жапаровқа жұмысына табыс, ал барша қырғыз халқына өркендеу мен бақ-береке тіледі.
