Алматы облысы Талғар ауданы Ақтас ауылында жанжал кезінде ер адам қаза тапты. Полиция 56 жастағы күдіктіні ұстады, деп хабарлайды Sayasatlive.kz.
Кісі өлтіру туралы ақпарат алғаш рет Threads әлеуметтік желісінде пайда болды. Пайдаланушылардың бірі марқұмның тандыр нан сататын орынның иесі болғанын хабарлады. Бұл мәліметтер әзірге ресми түрде расталған жоқ. Алматы облысы полиция департаменті кісі өлтіру дерегі бойынша қылмыстық іс қозғалғанын хабарлады.
Тергеу мәліметінше, жәбірленуші мен күдікті арасында ауызша жанжал болған. Төбелес кезінде ер адам қарсыласына екі рет пышақ сұғып, оқиға орнынан қашып кеткен. Полицейлер 56 жастағы күдіктінің жеке басын анықтап, оны ұстады. Ер адам уақытша ұстау изоляторына қамалды. Полиция оның мойындау көрсетпелерін бергенін хабарлады.
«Қолда бар мәліметтер бойынша, жәбірленуші мен күдікті арасында ауызша жанжал болып, соның барысында соңғысы ер адамға екі рет пышақ жарақатын салып, оқиға орнынан қашып кеткен. Тергеу жалғасуда. Оқиғаның барлық мән-жайын анықтауға бағытталған қажетті тергеу әрекеттерінің кешені жүргізілуде», — деп хабарлады Алматы облысы ПД баспасөз қызметі.
