Қарағанды облысы Қарқаралы ауданында Төтенше жағдайлар министрлігінің құтқарушылары Қарқаралы мемлекеттік ұлттық табиғи паркі аумағындағы тауда серуендеу кезінде адасып кеткен екі әйел мен баланы тапты, деп хабарлайды Sayasatlive.kz.
Төтенше жағдайлар министрлігінің хабарлауынша, туристер Үлкен Алапқа бет алған, бірақ бағдардан адасып, өз бетінше орала алмаған. «
Алынған координаттар мен туристермен байланыстың арқасында құтқарушылар оларды «Шоққарағай» тынығу аймағынан бес шақырым батысқа қарай қысқа мерзімде тапты», — деп хабарлады ведомство.
Табылғаннан кейін туристер тынығу аймағына жеткізілді. Оларға медициналық көмек қажет болмады.
