Ақмола облысында сумен жабдықтау және су бұру жүйелерін жаңғыртуға қайтарылған активтерден 1,4 млрд теңге бөлінеді. Үкімет арнайы мемлекеттік қордан Ақмола облысындағы сумен жабдықтау және су бұру жүйелерін жаңғыртуға 1,4 млрд теңге бөлді, деп хабарлайды Sayasatlive.kz.
Атап айтқанда, ақша Бурабай ауданындағы Қатаркөл көлінің жанындағы балалар сауықтыру орталықтары үшін су құбыры желілерін жаңғыртуға бағытталады. Щучинск қаласында магистральдық су құбыры желілерінің төртінші кезегін салу және реконструкциялау, су бұру объектілері мен желілерін жөндеу, сондай-ақ орам ішіндегі кәріз жүйесін тарту жоспарланып отыр.
Үкіметте «жобаларды іске асыру желілердегі апаттылықты азайтады» деп атап өтті. Сонымен қатар, қажетті көлемдегі суды беру және ағынды суларды бұру жүйеге жаңа тұрғын үйлерді, әлеуметтік және туристік объектілерді қосуға мүмкіндік береді, сондай-ақ аймаққа инвестиция тарту үшін жағдай жасайды.
