«Көктал — Жаркент — Қорғас» тасжолында көлік қозғалысы шектелді. «ҚазАвтоЖол» Жетісу облысында республикалық маңызы бар автомобиль жолының учаскесінде көліктің барлық түрінің қозғалысы уақытша шектелгенін мәлімдеді, деп хабарлайды Sayasatlive.kz.
Шектеу 30 шілдеде сағат 21:45-те KZ 05-02 «Көктал — Жаркент — Қорғас» тасжолының 313-ші шақырымынан 319-шы шақырымына дейінгі Ұшарал және Диханкайрат ауылдарына жақын учаскеде енгізілді.
Компанияның нақтылауынша, шешім су өткізу құрылысының анықталған ақауларын жоюға байланысты қабылданды. Көліктердің балама қозғалысы Жаркент — Чулакай — Алматы — Шелек — Қорғас бағытымен жүзеге асырылады.
Қосымша ақпаратты тәулік бойы жұмыс істейтін 1403 нөмірлі колл-орталықтан алуға болады.
