АҚШ президенті Дональд Трамп пен Израиль премьер-министрі Биньямин Нетаньяху Иранның ядролық қару алуына жол бермеу ниетін растады, деп хабарлайды Sayasatlive.kz.
Келіссөздер сейсенбіде Вашингтонда өтіп, шамамен 90 минутқа созылды. Ақ үй кездесуді «оң және өнімді» деп атады. Израиль делегациясының өкілі келіссөздерді «оң» деп сипаттады.
«Премьер-министр мен президент күн тәртібіндегі негізгі мәселелерді, ең алдымен Иран тақырыбын тамаша және мұқият талқылады», – деді дереккөз.
Оның айтуынша, Трамп пен Нетаньяху Иранның ешқашан ядролық қару алмауы үшін «темірдей беріктігін» растады. Иран келіссөздердің басты тақырыбы болды. АҚШ-қа ұшып кетер алдында Нетаньяху Трамппен қауіпсіздік мәселелерін және аймақтағы бейбіт келісімдерді кеңейтуді талқылауға ниетті екенін айтты.
«Біз күн тәртібіндегі барлық мәселелерді, ең алдымен Иранды талқылаймыз. Әрине, мақсат – біздің қауіпсіздігімізді қамтамасыз ету, сондай-ақ айналамыздағы бейбітшілік кеңістігін кеңейту», – деді Израиль премьері.
Кездесу АҚШ пен Израильдің Иранға қарсы толыққанды әскери науқаны басталғаннан кейінгі екі лидердің алғашқы жеке әңгімесі болды. Соңғы апталарда Вашингтонның дипломатиялық күш-жігері аясында ұрыс қимылдары тоқтатылды. Бұл ретте бұған дейін Трамп пен Нетаньяху арасында Тегеранға қатысты одан әрі әрекеттер бойынша келіспеушіліктер туындаған болатын. Сәуірде лидерлер арасындағы қарым-қатынас атысты тоқтату туралы келіссөздер кезінде нашарлады.
Трамп Израиль премьерін көпшілік алдында сынап, кейінірек оны «өте күрделі жігіт» деп атады. Нетаньяху бұл «тактикалық келіспеушіліктер» туралы екенін, ал Израиль мен АҚШ-тың Иранға қатысты стратегиялық мақсаттары ортақ болып қала беретінін айтты. Тараптар АҚШ қолдаған Израиль мен Ливан арасындағы келісімдерді, сондай-сонымен қатар Газа секторындағы жағдайды қарастырады деп күтілді. Израиль мен ХАМАС соғысы басталғаннан кейін үш жылға жуық уақыт өткен соң, анклавтағы гуманитарлық жағдай ауыр болып қалуда. Израиль сектор аумағына соққы беруді жалғастыруда, ал оны қалпына келтіру жұмыстары баяу жүруде.
Трамп пен Нетаньяхудың бұл кездесуі АҚШ президенті 2025 жылдың қаңтарында Ақ үйге оралғаннан кейінгі сегізінші кездесу болды. Ол Израильдегі сайлауға және АҚШ-тағы аралық сайлауға дайындық аясында өтті. Вашингтонға сапары кезінде Нетаньяху қайтыс болған сенатор Линдси Грэмді еске алу шараларына да қатысты.
