Украина Қауіпсіздік қызметі Қара теңіздегі «Avero» танкеріне, сондай-ақ Ресей Федерациясының Ставрополь өлкесіндегі үш мұнай базасына сәтті шабуыл жасалғанын хабарлады. Соққылар салдарынан объектілерде ірі өрттер шықты, деп sayasatlive.kz РБК-Украинаға сілтеме жасап хабарлайды.
Украина арнайы қызметінің мәліметінше, Украинаның санкцияларына іліккен «Avero» танкері G7 елдері мен Еуропалық Одақ енгізген халықаралық шектеулерді айналып өтіп, ресейлік мұнайды тасымалдау үшін пайдаланылған. Кеме шикізатты, атап айтқанда, Қытай мен Үндістанға жеткізген. Танкерді зақымдау үшін Украина Қауіпсіздік қызметінің «Мамай» теңіз дроны қолданылды.
Украина Қауіпсіздік қызметі сондай-ақ «Avero» соңғы он күнде Украина арнайы қызметі зақымдаған төртінші Suezmax сыныбындағы танкер болғанын атап өтті.
Теңіз операциясынан басқа, Украина дрондары Ставрополь өлкесіндегі Украинаның мемлекеттік шекарасынан шамамен 600 шақырым жерде орналасқан үш мұнай базасына шабуыл жасады.
Украина Қауіпсіздік қызметінің ақпаратына сәйкес, объектілердегі бірқатар жарылыстардан кейін жанар-жағармай материалдары бар әуіттер өртеніп, ірі өрттерге әкелді. Дрондар КТК маңындағы қазақстандық мұнайы бар екі танкерге шабуыл жасады.
