Солтүстік Кореяда суицид әрекетінен аман қалғандарға бақылау күшейтілуі мүмкін, деп хабарлайды Sayasatlive.kz.
Кейбір шетелдік басылымдардың хабарлауынша, Солтүстік Кореяда суицид жағдайларының көбеюіне байланысты билік қосымша қатаң шаралар енгізуі мүмкін.
Мәліметтерге сәйкес, ел басшысы Ким Чен Ын жергілікті шенеуніктерге жабық нұсқаулар жіберіп, бақылауды күшейтіп, қосымша алдын алу шараларын қабылдауды тапсырды.
Бұған дейін Radio Free Asia басылымы Солтүстік Кореяда суицид «социализмге сатқындық» ретінде қарастырылатынын хабарлаған. Оңтүстік Корея барлау қызметінің бағалауынша, соңғы бір жылда елдегі суицид жағдайлары шамамен 40%-ға артқан.
