Осы жылдан бастап мүгедектігі бар жандардың жәрдемақысы 10 пайызға көбейді, деп хабарлайды Sayasatlive.kz порталы.
Соңғы жылдары елімізде мемлекеттік қызметтерді алу рәсімдері айтарлықтай жеңілдетілді.
2022 жылдан бері медициналық-әлеуметтік сараптама бөлімшелеріне бармай-ақ қажетті рәсімдерден өтуге мүмкіндік беретін мүгедектікті тағайындаудың сырттай проактивті форматы енгізілді.
Бүгінгі таңда куәландырудың 45%-дан астамы онлайн-форматта жүргізіледі.
2026 жылдан бастап мүгедектігі бойынша берілетін мемлекеттік жәрдемақылардың мөлшері 10%-ға артты.
Төлем мөлшері:
I топтағы мүгедектігі бар адамдар үшін – 200 мың теңгеге дейін;
II топтағы мүгедектігі бар адамдар үшін – 154 мың теңгеге дейін;
III топтағы мүгедектігі бар адамдар үшін – 117 мың теңгеге дейін.